Politike
Rama tenton të ironizojë PD-në, por ndjekësit i vërsulen për të pastrehun që ai përdori në foto: Si mund të tallesh me popullin tënd?
24 Prill, 2021 | 9:36 am
Kryeministri në detyrë, Edi Rama nëpërmjet një statusi mbrëmjen e djeshme ka ironizuar një person të pastreh i cili ka qenë duke fjetur gjumë në stola.
Ai ka publikuar foton dhe ka shkruar mbi të: Gjumë të ëmbël dhe flasim kur të zgjoheni të hënën nga dreka, raporton Zoom.al
Rama ka tentuar që të ironizojë kryetarin e Partisë Demokratike, Lulzim Basha, por kjo i është kthyer në bumerang, ku komentuesit e kanë kryqëzuar.
Një nga komentet ishte:
Turp të ju vijë që ironizoni një njeri që ndoshta nuk ka strehë, ose ju politikanët zhgrapës e latë pa strehë. Një burrë i vjetër që fle në stola dhe një kryeministër cinik që ofendon çdo gjë që gjen përpara. Turp, talleni me mjerimin, ju që e shkaktuat atë.
