Gjykata e Shkallës së Parë Durrës ka pranuar sot kërkesën për pushimin e hetimeve në ngarkim të ish-drejtorit të Kadastrës Liridon Pula dhe Shefes së zyrës Juridike Lusiena Kolaj ndaj procedimit penal 1976 të vitit 2019.

Lusiena Kolaj u ndalua në 20 shtator 2019 , ishte gjykata e Apelit ajo qe i nxori veprimet e kryera nga ana e prokurorit Arjan Ndoji si të paligjshme dhe vendosi rikthimin e saj në detyrë duke e lënë në masën detyrim paraqitje.

Liridon Pula u la në arrest me burg nga ana e gjyqtares Besjana Garxenaj duke mos u shqyrtuar asnjë provë e fakt në lidhje me ngjarjen në fjalë , masë të cilën e ndryshoi gjykata e Apelit Durrës.

Sot Liridon Pula dhe Lusiena Kolaj fituan betejën e tyre ndaj veprimeve te para hetimore ku ata ngritën zërin se veprimet e marra nga ana e prokurorisë së Durrësit ishin arbitrare dhe të kundraligjshme.

Theksojmë se për ngjarjen reagoi kryeministri i vendit dhe zv/kryeministri ishte prezent në seancën e masës së sigurimit të bërë në 2019. Vendimi për pushimin e hetimeve ndaj Liridon Pulës dhe Lusiena Kolaj u dha sot në orën 15.00 nga gjyqtar Rexhep Bekteshi.

Pushimi i hetimeve çoi në përfundimin se këtë dy shtetas nuk kanë kryer vepër penale dhe nuk ka asnjë fakt të shpërdorimit të detyrës. /abcnews.al/