Biseda e Jozefina Topallit me Sali Berishën: “Nuk ka kërkuar ndihmë as në 1997 e as tani…”

Jozefina Topalli e cila më parë ka mbajtur detyrën si Kryetare e Parlamentit në vitet kur si Kryeministër qeveriste Sali Berisha ka dhënë disa detaj të bisedës së saj me këtë të fundit.

Ajo njihet prej vitesh si kundërshtare e kryetarit të Partisë Demokratike Lulëzim Basha dhe se tashmë që Berisha ka dalë kundër tij mund të ishtë një mundësi bashkimi e Topallit në një luftë të përbashkët politike.

Në një intervistë për “A2 CNN” Topalli ka treguar se ka komunikuar me Sali Berishën dhe ai nuk i ka kërkuar asnjëherë ndihmë, por ka dalë vetëm në një situatë të tillë.

“Kam komunikuar me zotin Berisha, por zoti Berisha nuk kërkon ndihmën e askujt.

Ai i ka dalë përballë vetë situatës së tillë, ka kërkuar ndjesë. Është një komunikim krejt i njerëzishëm.

Ai kurrë nuk ka kërkuar ndihmë as në vitin 1997. S’është nevoja për të kërkuar ndihmë, në fund të fundit është hapur një proces që i shërben gjithkujt, vendit mbi të gjitha”, tha Topalli.

Previous articleFenomeni “Squid Game”, kur njerëzit prekin fundin dhe nuk kanë asgjë për të humbur
Next articleJemi me fat qe Deviral nga Intermed, mberrin ne Shqiperi. Mbron imunitetin ndaj viruseve.