Showbiz
Labinot Rexha performon edhe pse sheshi ishte thuajse bosh, këngëtari tregon arsyen
27 Korrik, 2026 | 7:26 pm
Në kuadër të aktiviteteve festive të “Muajit të Mërgatës” në Drenas, mbrëmjen e djeshme u organizua një koncert kushtuar bashkatdhetarëve që po kalojnë pushimet në vendlindje.
I ftuari kryesor i mbrëmjes ishte këngëtari Labinot Rexha, i cili u ngjit në skenë për të performuar për publikun.
Megjithatë, kushtet atmosferike ndikuan ndjeshëm në mbarëvajtjen e aktivitetit. Era e fortë që përfshiu zonën bëri që pjesëmarrja në shesh të ishte shumë më e ulët nga sa pritej, ndërsa në pamjet e publikuara hapësira para skenës dukej thuajse bosh.
Pavarësisht motit të pafavorshëm dhe numrit të vogël të pjesëmarrësve, Labinot Rexha vendosi të mos e ndërpriste koncertin dhe vijoi programin e tij artistik.
Këngëtari rishpërndau gjithashtu postimin e organizatorëve, të cilët e falënderuan për vendimin për të vazhduar performancën pavarësisht kushteve të vështira atmosferike: “Pavarësisht kohës me shumë erë, Labinot Rexha e vazhdoi programin e tij artistik! Faleminderit Labi!”
Të ngjashme
Andrea Bocelli magjeps Venecian me koncertin jubilar për 30-vjetorin e albumit “Romanza”
6 orë më parë
