Një aeroplan i vogël u përplas me ndërtesën më të lartë Pekin mesditën e kësaj të premteje. Goditja, e cila ndodhi rreth orës 6 pasdite sipas kohës lokale, e shpërbëu plotësisht aeroplanin e vogël dhe i shpërndau copat e tij në tokë.

Goditja theu gjithashtu dy dritare të kullës . Imazhet e incidentit treguan mbeturinat e aeroplanit duke rënë vertikalisht në tokë, ndërsa tym i dendur u pa duke u ngritur nga kati përdhes i ndërtesës. Mbetjet ranë pranë hyrjes lindore të Kullës CITIC (China Zun) dhe shërbimet e emergjencës janë në vendngjarje.

Sipas informacioneve paraprake, avioni i rrëzuar, një Sunward SA60L Aurora, operohej nga Shuangyue… Ndërsa deri më tani, numri i saktë i viktimave mbetet i paqartë. Kulla gjigande ndodhet në lagjen qendrore të biznesit të distriktit Chaoyang dhe shpesh quhet “China Zun” dhe është 1,700 metra i lartë. Sipas mediave lokale, avioni ishte një avion B-12PP.

Piloti ishte ngritur nga Aeroporti Sifoshi vetëm gjysmë ore më parë dhe po përgatitej të kthehej në aeroport për ulje kur papritmas devijoi nga trajektorja e fluturimit. Ndërsa askush që ishte brenda kullës, nuk ka pësuar lëndime.

Pas incidentit, policia bllokoi rrugët përreth rrokaqiellit dhe i pengoi kalimtarët të bënin foto dhe video të vendit të ngjarjes. Prania e madhe e policisë në vendngjarje i pengoi disa qytetarë të bënin foto dhe u kërkoi të tjerëve të fshinin çdo foto që kishin bërë ndërsa evakuonin njerëzit nga ndërtesa.

Dëshmitari okular tha se bëri një video të aeroplanit duke dalë nga ndërtesa, por më vonë e fshiu videon sepse kishte frikë se mos kapej nga policia. Postimet rreth incidentit u hoqën shpejt nga mediat sociale kineze. Një kërkim për emrin e ndërtesës në aplikacionin Xiaohongshu ktheu vetëm postime të datës së enjte.

Një oficer policie u tha gazetarëve të Reuters të largoheshin nga vendi i ngjarjes. I pyetur pse duhej të largoheshin, oficeri tha: “Të gjithë e dimë pse!”