Shumë nga personazhet publikë herë pas here në punët e tyre përfshijnë edhe fëmijët. Disa ndoshta kanë dëshirë që ata të përfshihen në rrugën e artit, disa të tjerë sepse kanë thjesht qejf dhe disa tjetrë për të marrë më shumë klikime, sepse ju e dini që fotot dhe videot me fëmijë janë më të pëlqyerat në rrjetet sociale.

Për të bërë këtë shkrim u frymëzuam nga Loredana, (pastaj na u kujtuan edhe disa VIP-a të tjerë) e cila në videon e saj më të re ka përfshirë vajzën e saj Hanën.

Loredana është ajo që i ka hapur Hanës edhe një profil në Instagram dhe siç është shprehur Mozzik në një intervistë në “Shiko Kush Luan” ai nuk ka qenë aspak dakort.

Në serialin e tij “H.O.T” në fund të serisë së dhjetë shfaqet një aktor i vogël i cili është Joeli, djali i producentit dhe aktorit Ermal Mamaqi.

Kur Paridi ishte ende një bebe ai u shfaq në klipin ”Inshala” të mamit të tij, Ingrid Gjoni…

Të njëjtën gjë pak vite më pas bëri edhe Çiljeta. Në këngën “Gangsta Love”, ajo përfshiu edhe djalin e saj Fernandon si dhe vajzën e Inis Gjonit, Coco Antonel. Ndërsa Noizy vite më parë i ka kushtuar një këngë vajzës së tij, Leandrës duke e bërë edhe pjesë të videos “Noku i vogël”.

”Dhurata” është një nga këngët më të bukura të Alban Skënderaj dhe Miriam Cani, kushtuar vajzës së tyre Ameli. Dhe padyshim që e vogla është protagonistja numër 1 e klipit. Miriami e ka bërë Amelin imazh edhe të linjës së saj të veshjeve.