Një ngjarje e rëndë ka tronditur vendin. Një 57-vjeçare e identifikuar me emrin Merushe Gjuzi humbi jetën pasi u vetëhodh nga furgoni me të cilin po udhëtonte në aksin Peqin-Elbasan.

Shkak janë bërë mosmarrëveshjet dhe sherret në shtëpi me bashkëshortin Mahmut Gjuzi dhe dhuna psikologjike që ky i fundit i ka shkaktuar prej kohësh 57-vjeçares.

Në gjendje të rënduar, Merushja është hedhur nga furgoni me të cilin po udhëtonte drejt Funarit bashkë me miken e saj. Ajo  nuk arriti të shpëtonte pasi përplasja ishte fatale.

Policia ka arrestuar sot bashkëshortin e saj. Ndaj 68-vjeçarit, Mahmut Gjuzi, rëndojnë dy akuza “Dhuna në familje” dhe “Shkaktimi i vetëvrasjes”.