Me 83 emigrantë të paligjshëm në kamion,arrestohet 31-vjeçari në Korçë

 

 

Policia e Korçës ka arrestuar një shtetas i cili u kap duke transportuar 83 emigrantë të paligjshëm.

Në kuadër të operacionit “perimetri” u bë arrestimi në flagrancë i shtetasit Oligert Agolli, 31 vjeç, banues në fshatin Pirg, Maliq.

Sipas bluve, 31-vjeçari është konstatuar në dalje të qytetit të Pogradecit, me mjetin kamion tip trailer, duke transportuar 83 emigrantë të paligjshëm, të cilëve kundrejt shpërblimit prej 1150 euro secilit, iu kishte premtuar kalimin drejt vendeve të BE-së.

Policia po punon për dokumentimin e plotë të ngjarjes dhe identifikimin e personave të tjerë të implikuar në këtë aktivitet kriminal.

Materialet në ngarkim të tij i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve”, kryer në bashkëpunim.

Previous articleDeklarata e Yuri Kim për Sali Berishën,Basha vazhdon të heshtë
Next articleDenoncoi Vangjush Dakon në media, shkarkohet papritur nga detyra djali i Spartak Brahos,nën kryetar i Bashkisë së Durrësit