Thursday, October 21, 2021

Latest Posts

Cili ishte momenti më emocionues për Rudina Dembacajn në dasmën me Mark Frrokun

Sot u transmetua emisioni “Pardon My French”  që është rikthyer në “Top Albania Radio”, për t’ju shoqëruar me intervista ekskluzive, informacione dhe humor çdo të mërkurë nga ora 18:00-20:00. Rudina Dembacaj ishte e ftuar kësaj rradhe duke zbuluar për moderatorët Jonida Aliçkolli dhe Kejvin Kalo shumë detaje interesante rreth dasmës së saj dhe Mark Frrokut.

Një nga pjesët më të komentuara nga dasma e saj me Frrok Markun ishte fakti që aktorja kishte zgjedhur një fustan të bardhë klasik, kombinuar me elementë të veshjeve tradicionale, brezin e xhubletës, dhe vathë të mëdhenj jeshilë. E sigurisht kjo nuk ka qenë një zgjidhje rastësore dhe për tu dukur ndryshe. Rudina tregoi kuptimin e vendosjes së xhubletës e ky ishte edhe momenti që e bëri të përlotej në këtë intervistë të parë pas dasmës më të komentuar. Ajo tha se atë e ka trashëgimi nga gjyshja e saj, e cila është ndarë nga jeta. Në këtë mënyrë ajo zgjodhi ta bënte atë dhe të atin pjesë të dasmës ndonëse fizikisht nuk ndodheshin pranë saj.

“Fustani u dizajnua i gjithi nga motra ime. Pafta e xhubletës është e personalizuar me emrin tim R.D. Unë kam mbajtur mbiemri tim. Jam shumë krenare për bashkëshortin që kam zgjedhur por secili mbiemrin e vetë. Ndërsa veshja e xhubletës vjen nga tradita e gjyshes sonë, nga tradita jonë që jemi nga Kelmendi. Gjyshja jonë para se të ndërronte jetë brezin e xhubletës së saj e ka ndarë në copë dhe ua ka dhënë mbesave të saj. Ne nuk arritëm t’i bashkonim të gjitha pjesët e saj por i krijuam të gjithë nga fillimi. Duke qenë se unë jam shumë fanatike e zakoneve tona, por jam edhe romantike, nuk mund të dilja vetëm me xhubletë. Kështu motra ime mendoi këtë zgjedhje. Kisha një copëz edhe nga babi edhe nga gjyshja për të shkuar në altar.”- është shprehur aktorja.

Latest Posts

Don't Miss