T’u thuash fëmijëve tuaj se po divorcoheni nga babai i tyre është ndoshta biseda më e vështirë që do të keni ndonjëherë me ta.

Pavarësisht se cilat janë moshat e tyre, nuk është kurrë e lehtë t’u shpjegosh arsyet e këtij vendimi ose ndryshimet që do të ndodhin pasi prindi tjetër të largohet.
Situata është e vështirë, por ju mund ta përballoni kështu:

1-Mos e ‘ngecni’ fajin
Kur u tregoni fëmijëve tuaj për këtë lajm, shmangni tundimin për të zhvilluar një tregim fajësues.
Ne e dimë se ju doni t’u tregoni atyre të vërtetën, qoftë “babai juaj më tradhtoi” ose “Unë nuk ndihem më e sigurt apo e dashur pranë babait tuaj”.
Kjo ka të bëjë me mbështetjen dhe sigurinë që fëmijët tuaj kanë nevojë në këtë kohë kritike që do t’ua ndryshojë jetën përgjithmonë.

2-Shpjegoni se çfarë do të ndryshojë
Pasi t’u jepni lajmin fëmijëve tuaj, ju duhet të vendosni pritshmëri për atë që do të ndodhë më pas.
Ata duhet të dinë se si do të ndryshojë jeta e tyre.
Filloni duke u treguar atyre se çfarë do të mbetet e njëjtë dhe më pas shpjegoni ndryshimet me të cilat do të duhet të përballojnë.
Për shembull, ata duhet të dinë me cilin prind do të jetojnë dhe si do ta kalojnë kohën me tjetrin. Ata gjithashtu do të duhet të dinë nëse do të ndodhë ndonjë ndryshim në lidhje me shkollat, lagjen ose aktivitetet e tyre sportive.

3-Vazhdoni t’i qetësoni
Fëmijët priren të jenë shumë të ndjeshëm, veçanërisht kur bëhet fjalë për lumturinë dhe mirëqenien e prindërve të tyre.
Ata mund të fillojnë të fajësojnë veten për divorcin tuaj dhe të ndjehen sikur kanë bërë diçka që e ka shkaktuar këtë.
Fëmijët tuaj duhet të dinë se nuk është asgjë që ata kanë bërë ose mund të kenë bërë që mund ta bëjë këtë martesë të mos funksionojë.
Përpiquni të mos premtoni gjëra që mund të mos jeni në gjendje t’i përmbushni, në mënyrë që të mos i zhgënjeni.

4-Jepi kohë fëmijës
Së fundmi, si prind, përballja me fëmijët tuaj me lajme të tilla tronditëse është gjëja e fundit që dëshironi të bëni.
Por, jeta mund t’ju detyrojë të bëni gjëra që nuk keni menduar t’i bëni.
Edhe pse ky divorc mund të jetë i vështirë në fillim për ju dhe fëmijët tuaj, gjërat do të përmirësohen së shpejti dhe jeta do të jetë sërish e mirë.
Besoni procesin dhe besoni në veten tuaj.