Kryefjala Logo

Sëmundjet që sjell stresi janë këto

17 Shtator, 2021 | 11:25 am

Dr. Roger Henderson ka zbuluar disa nga problemet që shkaktohen si pasojë e stresit.

Sindroma e zorrës së irrituar Kjo sindromë prek me miliona njerëz. 70% e mjekëve thonë se është gjendja që hasin më shpesh tek njerëzit që kanë probleme me tretjen. Dhimbjet shkaktohen nga tendosja e muskujve të zorrës dhe disa nga simptomat janë: dhimbjet abdominale, diarre, kapsllëk dhe fryrje të barkut. 94% e mjekëve britanikë thonë se kjo sindromë shkaktohet si pasojë e stresit. Stomaku dhe zorrët janë të lidhur me miliona qeliza nervore, të cilat kontrollojnë dhe rregullojnë sistemin e tretjes. Këto qeliza nervore përçojnë mesazhe nga zorra në tru dhe e anasjella, prandaj shkaktohen këto probleme me zorrët kur jeni të stresuar. Për të shmangur këto probleme, përpiquni të qetësoheni, bëni aktivitet fizik, ose provoni thjesht teknikat e frymëmarrjes që ju ndihmojnë të qetësoheni.

Rënie të flokëve

Stresi për një kohë të gjatë mund të shkaktojë rënie të flokëve. Sipas ekspertëve, hormonet e stresit bëjnë që gjëndrat e qimeve të bien në letargji, dhe si rezultat shkaktohet rënia e flokëve kur i lani ose krihni. Nëse ju bien flokët në mënyrë drastike, duhet të konsultoheni me një mjek, pasi kjo mund të jetë një shenjë e një problemi më serioz me shëndetin.

Pagjumësi

Stresi dhe netët e gjata pa gjumë shoqërojnë njëra-tjetrën. Mënyra e vetme që të flini është të qetësoheni dhe largoni stresin. Lodhje Lodhja shkaktohet si pasojë e pagjumësisë dhe stresit. Pjesa më e madhe e popullsisë ka probleme me gjumin për shkak të shqetësimeve lidhur me punën dhe të ardhurat ekonomike.

Djersitje e tepërt

Djersitja nga ambienti i nxehtë apo aktiviteti fizik shkaktohet nga gjëndrat ekrine të djersës, ndërsa djersitja nga stresi shkaktohet nga gjëndrat apokrine. Sipas mjekut të familjes Roger Henderson, ka gati 4 milionë gjëndra të djersës në të gjithë trupin, ku pjesa më e madhe të cilave mund të gjenden tek pëllëmbët e duarve, thembrat e këmbëve, fytyrë dhe sqetulla. Ka dy lloje gjëndrash që sekretojnë djersë. Lloji i parë janë gjëndrat ekrine, që shkaktohen zakonisht kur bëni stërvitje. Ndërsa të dytët janë gjëndrat apokrine, që sekretojnë djersë më shumë tek pjesa e sqetullave dhe shkaktojnë erë të keqe të trupit. Sipas mjekëve, kur jemi të stresuar, këto gjëndra fillojnë të sekretojnë më shumë djersë në lëkurë.

Të ngjashme