Mund të shkatërrojë internetin dhe arritjet teknologjike.Stuhia diellore

Një studim i ri paralajmëron se superstuhia nga ylli i sistemit tonë diellore, mund ta zhysë botën në një “apokalips” të internetit. Fusha magnetike e planetit i mbron banorët e tij nga erërat diellore duke i devijuar ato drejt poleve e duke krijuar aurorat e magjishme boreale.

Por një herë në 80 apo 100 vjet, për shkak të ciklit natyror të Diellit, këto erëra të mbushura me grimca me ngarkesë elektrike që burojnë prej tij shtohen duke mbërritur fuqinë e një superstuhie diellore.

Sipas shkencëtarëve, ajo mund të zgjasë edhe disa muaj e t`i shkaktojë rrjetit global dëme katastrofike. Sipas studiuesve të Universitetit të Kalifornisë, ndër më të rrezikuara janë fibrat optike në distanca të gjata.

Lëshimet masive koronale, siç i quajnë ata, janë aq të forta sa mund të kalojnë në ndërveprim me fushën magnetike të Tokës e të krijojnë në koren e saj rryma gjeomagnetike.

Infrastruktura aktuale e internetit nuk është testuar për evente shumë të forta diellore, ndaj mbetet për t`u parë sesi do t`i bëjë ballë superstuhisë./360grade

Previous articleJeni kuriozë për atmosferën në dashuri dhe punë?Lexoni Paolo Fox
Next articlePartneri është shumë xheloz por ti e dashuron?Merr disa mësime