Personat që jetojnë në zonat rurale, kanë më pak akses në internet apo televizion dhe preferojnë femrat e mbushura. Ndërsa ata që jetojnë në zonat urbane preferojnë femrat me trup të hollë.

Është ky konkluzioni në të cilin ka arritur një studim i kryer për këtë çështje.

“Studimi ynë tregoi se televizioni ka një ndikim shumë të lartë në atë se çfarë perceptimi krijojnë njerëzit për trupin ideal të femrës” – thotë Martin Tovee, udhëheqës i këtij kërkimi.

Filmat, show-t televizivë, rrjetet sociale apo revistat janë kritikuar vazhdimisht pasi krijojnë pikëpamje të gabuara mbi përmasat ideale të trupit.

Më të prekura nga ky perceptim i deformuar janë femrat të cilat të ndikuara nga revistat dhe fotografitë e fotoshopuara të modeleve kërkojnë ti përngjajnë atyre me çdo kusht.