A mund të ketë sukses lidhja me një mashkull më të ri se vetja?

Për t’ju gëzuar që lidhja me mashkullin më të ri mund të ketë sukses, patjetër që më parë duhet të merrni parasysh edhe përgjigjet këtyre tri pyetjeve:

1-A është mjaftueshëm i pjekur?

Dallimi në moshë nuk ka rëndësi, nëse i zgjedhuri juaj është mjaftueshëm i pjekur dhe mund t’ju ndjekë intelektualisht. Vitet vërtet mund të jenë vetëm numër, nëse personi që keni pranë ka interesime dhe plane të ngjashme dhe është më i pjekur se sa që tregojnë vitet e tij.

Nëse edhe psikikisht ju përshtatet perfekt dhe keni plane për të ardhmen, numri i viteve fare të mos ju nevrikosë dhe fare mos u merrni me to.

2-Çfarë janë reagimet e miqve dhe e të të afërmve?

Është më i ri dy apo tre vjet? Natyrisht, askush nuk do t’i vërejë. Mirëpo, nëse dallimi në moshë është një decenie, reagimet mund të jenë goxha të vrullshme. A duhet të brengoseni rreth kësaj?

Jo posaçërisht, sepse megjithatë kjo është jeta juaj dhe ju dini se çfarë ju pëlqen dhe çfarë ju përgjigjet. Mirëpo, mos i injoroni gjithmonë këshillat e miqve, megjithatë ata jua dëshirojnë më të mirën.

3-A keni plane të ngjashme për të ardhmen?

A dëshironi të keni fëmijë? Ku dëshironi të jetoni? A e mendoni karrierën në vend të parë?

Sa më parë që të mësoni përgjigjet këtyre pyetjeve, do të ketë më pak vend për t’u zhgënjyer dhe do të mësoni a mundeni me të ndonjëherë të planifikoni diçka. Pa marrë parasysh se sa është më i ri se ju, mbase edhe ai ka qëllime të njëjta si edhe ju, madje që tani. Është me rëndësi që sinqerisht të bisedoni dhe të mësoni a keni gjëra të përbashkëta dhe a mund të planifikoni bashkërisht.

Previous articleFruti më i mirë i vjeshtës që nuk duhet të mungojë në asnjë shtëpi
Next articleSi ta kuptoni shumë thjeshtë se po gënjeheni