Pas konfirmimit të Dritan Shakohoxhës për kandidim në postin e Presidentit të Federatës Shqiptare të Futbollit, nëpër media qarkulloi masivisht lajmi që gazetarja e sportit Ilda Bejleri do të ishte një ndër kandidatet që do të tentonte të sfidonte “të pathyeshmin” president aktual Armando Duka.

E pyetur nëse këto lajme janë të vërteta dhe se gazetarja ka ndërmarrë një kthesë kaq të fortë në karrierë ajo është përgjigjur duke thënë se asgje nuk është e vertëtë edhe pse nuk është e pamundur.

”Jo nuk është e vërtetë, se më pyesin dhe njerëzit e afërm ”moj a është e vërtetë”, por nuk është e vërtetë. Nuk po them që është e pamundur, sepse përderisa nuk e ndalon rregullorja, atëherë çdo njeri mund të tentojë e të dojë të bëhet president apo presidente. Ky lajmi që qarkullon s’është i vërtetë, sepse unë do e thoja vetë po të ishte i vërtetë” – është shprehur gazetarja.