Dua Lipa ka fshirë të gjitha postimet nga Instagrami. Brenda natës 1,500 fotografi u fshinë madje ajo ndryshoi edhe foton e saj të profilit nga kopertina e albumit Future Nostalgia në një imazh blu të paparë kurrë më parë, që mesa duket do të jetë logoja e projekteve të saj të reja.

Veprimi i papritur nuk ka ende një shpjegim nga ylli i muzikës, por thuhet se ajo po përgatitet për publikimin e albumit të saj të ri. Ndaj afro 90 milion ndjekësit e saj nuk do të kenë më se çfarë të shohin në Instagramin e Duas. (Të paktën për pak kohë)…

Në gusht të këtij viti, Dua njoftoi për albumin e saj të tretë, i cili pritet të publikohet në vitin 2024. 28 vjeçarja ka lënë të kuptohet se ky album do të jetë më pak personal se të tjerët.