Zhuliana Jorganxhi është poete dhe autore këngësh shumë e famshme shqiptare.

Pena e saj ka shkruar disa nga tekstet më të njohura që këndohen ende sot.

E shkak për një reagim të sajin është bërë pikërisht teksti që ajo ka shkruar.

Reagimi i plotë:

“Para ca kohësh Alban Emiri më kërkoi një tekst kënge, siç më kishte kërkuar dhe njëherë tjetër dhe unë në dy rastet ia kreva porosinë.

Me këto dy tekste u paraqit me kengët e tij tek emisioni e kantautorit Gjergj Leka “Festa e këngës shqiptare” në tv New24 dy herë.

Prita të më jepte atë shpërblim që më takonte për dy tekstet. Asgjë!

Më e ndershme do të ishte të më thoshte; “Nuk kam të të paguaj!” dhe ndoshta ia kisha falur ato dy tekste siç kam bërë me shumë të tjera në jetën time krijuese.

Kur i përsërita kërkesën time për pagesën e teksteve, Albani më ktheu përgjigjet, se i kam unë atij borxh për videot dhe audiot që ai i kishte bërë këngës”Na lini të jetojmë” e theksoj me tekstin tim, duke i “bërë nder” emrit tim!!!

Po për çudi, po ky autor, që dikur djale i ri më erdhi me kantautorin Elton Deda në dhjetor të vitit 1992 e më kërkoi t’i bëja tekstin e një kënge, të cilin une ia bëra me kënaqësi, Theksoj që këngën në piano ma tregoi Eltoni, tek shtëpia e motrës sime, ku jetoja me familjen e saj dhe nipin Hektor shok me Eltonin.

Tekstit i vura titullin “NA LINI TË JETOJMË!” dhe u këndua nga kompleksi ” Tingull i zjarrtë” me solist Elton Deden.

Kjo këngë pati jehonën më vonë ndër vite dhe këndohet dhe sot.

Albani e nxjerr tani në një video klip kënduar prej tij, por çudi emri i autorit të tekstit, që jam unë nuk figuron gjëkundi, kur emri i tij, i Albanit jepet disa herë me gërma të mëdha, si të jetë ai edhe autor i tekstit!!!

A është kjo shkelje e të drejtës së autorit dhe mosmirënjohje, më thoni të dashura mikesha dhe të dashur miq!

Me shume respekt dhe mirënjohje për ju! Zhuliana Jorganxhi”