Para pak kohësh në media u përfol se moderatoret e “Shqiperia Live” Flor Gjini dhe Erjona Rusi nuk flisnin me njëri-tjetrin, dhe shkak për këtë u bë një “unfollow” në Instagram, që u përkthye në një konflikt mes mdoeratorësh.

Por si qëndron e vërteta? Kanë qenë vetë ata, që kanë sqaruar raportin e tyre gjatë emisionit të ditës së sotme, dhe nuk qenka aspak ashtu siç dukej.

“Emisionet tona janë të forta, dhe pas një teme shumë të fortë, Instagrami im është sulmuar. Me rikthimin, unë Erjonës i kisha bërë follow, dhe ngaqë Erjona nuk e përdor Instagramin aq shumë, më kishte lënë tek request”,sqaroi Flori.

Nga ana tjetër, Erjona tha se ka gjëra më të rëndësishme në Shqipëri, se ata të dy. Sipas tyre, kjo kishte qenë arsyeja, që ata nuk kishin reaguar dhe e kishin shtyrë. Të dy thanë se nuk zihen, por diskutojnë, lidhur me punën.

“Vazhdojmë të jemi profesionistë, dhe ta vë,ë punën dhe këtë emision para çdo gjëje”, tha moderatorja, duke sqaruar kështu situatën.