Ka qenë një vit i mbushur plot me ngjarje ky i fundit për Butën, i cili në fakt ka shkëlqyer në anën profesionale, duke nxjerrë disa hite dhe projekte mjaft të suksesshme, ndërsa nga ana tjetër ka kaluar vështirësi në aspektin persona, falë ngjarjes që kishte në qendër vëllain e tij, që momentalisht ndodhet në burg.

Megjithatë, 2023 reperi i njohur po e mbyll në mënyrën më të bukur, teksa sot ka bërë me dije për të gjithë fansat e tij se ai dhe partnerja, Fjolla, do të bëhen prindër për të parën herë.

Kështu, Buta ka ndarë dy foto në Instagram-in e tij, ku shfaqet bashkë me partneren, me të cilën i ka dhënë fund beqarisë disa kohë më parë, ndërsa asaj i duket barku i rrumbullakosur, madje duhet të jetë në muajt e fundit të pritjes së ëmbël.

Postimin reperi e ka shoqëruar me emoji-n e familjes dhe ai shfaqet mjaft i lumtur që së shpejti do të vijë në jetë fëmija i tij i parë dhe do të nisë familjen e tij.