Aktorja, Nicole Kidman është bërë meme me reagimin e saj pasi Will Smith goditi Chris Rock në ceremoninë e ndarjeve të çmimeve “Oscar”.

Një foto e 54-vjeçares u bë shpejt menjëherë virale në Twitter dhe fansat e komentuan reagimin e saj si tepër epik.“Nicole Kidman duhet të fitojë Oscarin për reagimin më të mirë ndaj Will Smith që godet me shuplakë Chris Rock”, shkruan një komentues në “Twitter”.

Komediani 57-vjeçar, Chris Rock bëri shaka me gruan e Will Smith,Jada Pinkett Smith dhe mori si “shpërblim” një shuplakë që do ta ketë për gjithë jetën në “CV”, madje ky moment do të futet në ceremoninë e ndarjes së cmimeve Oscars dhe do të komentohet gjithnjë.