Me shumë lezet dhe e menjëhershme ka qenë Aulona Musta në reagimin e saj për “Dancing with the Stars”. Produksioni i Dancing e cilësoi kërcimin e Megi Pojanit dhe Lori Balës si kërcimin e parë mes dy vajzave që kishte ndodhur në këtë spektakël, por në fakt kjo nuk është aspak e vërtetë.

Në edicionin e fundit të “Dancing with the Stars” në Vizion Plus, balerina Isida Mollaymeri dhe moderatorja Aulona Musta ishin çifti parë i vajzave që kërcyen sëbashku dhe asokohe performanca e tyre u komentua nga juria e spektaklit.

Prandaj dhe Aulona Musta nuk mund ta linte pa e përmendur këtë moment. Nëpërmjet një videoje në Instagram ajo ka “thumbuar” me shumë elegancë produksionin e “Dancing with the Stars” të Top-Channel.