Në momente të caktuara të gjithë jemi nga pak racist, por asnjë nuk e kalon Luana Vjollcën. Ish moderatorja e njohur e Top-Channel ka nisur së fundmi një cikël emisionesh në You Tube, ku prek tema që shqetëson shoqërinë shqiptare dhe për të bërë një paralelizëm ndan me ndjekësit e saj edhe ndonjë histori personale.Përveç fjalës projektin “Thuaje” Luana e shoqëron edhe me këngë.
Ajo që tërhoqi vëmendjen tonë këtë mëngjes ishte fakti që Luana e nis ditën me këngët e saj dhe këtë na i tha edhe përmes këtyre postimeve në rrjetet sociale.

“Të zgjohem herët në mëngjes dhe të dëgjoj këto këngë më ka motivuar shumë”.

“Këngët e mia më kanë motivuar ta dua veten më shumë”…

“Më kanë ndihmuar të realizojë ëndrrat e mia”, shkruan Luana në profilin e saj në Instagram, gjë të cilën se kemi dëgjuar nga këngëtarë të tjerë. Të cilët thonë se kur kënga e tyre bëhet publike ata nuk e dëgjojnë më atë. Por mesa duket me Luanën ndodhka e kundërta.