Kryefjala e tha e para, Kiara Tito do të moderojë “Fan Clubin” e “Dancing with the Stars” dhe ashtu ndodhi. Të dielën startoi forumi i spektaklit të kërcimit dhe Kiara e nisi mbarë këtë projekt të ri. Por ajo që të bie në sy është barku i saj i rrumbullakosur.

Në spektakël nuk vumë re shumë detaje, pasi fustani “tutu” e ndihmonte shumë Kiarën për ta fshehur atë. Por ama në këtë video ku moderatorja kërcen me partnerin e saj, (edhe pse ka veshur këmishë) duket qartë barku i saj.

Burime pranë çiftit bëjnë me dije se Kiara është në muajt e parë të shtatzënisë dhe çifti po e mban të fshehtë për publikun këtë lajm. Ndërkohë që miqtë e ngushtë dhe familjarët janë në dijeni.