Aktorja Almeda Abazi dhe bashkëshorti i saj, aktori i famshëm turk, Tolgahan Sayisman ndodhen në Shqipëri. Këtë e ka bërë të ditur vetë Almeda përmes postimeve në Instagram, duke na treguar se ajo dhe familja e saj po shijojnë pushimet në vendlindjen e saj, në Tiranë.

Kur të gjithë prisnim që Almeda të postonte foto nga plazhi, ajo zgjodhi Malin e Dajtit si destinacionin e saj të parë.

Në një intervistë të dhënë pak kohë më parë Almeda tregoi se ajo dhe Tolga e duan shumë Shqipërinë dhe se në planet e tyre është blerja e një shtëpie në Shqipëri, pasi do donin që muajt e verës t’i kalonin në vendin ku Almeda u rrit dhe u bë e njohur njëkohësisht.

Eh nuk thonë kot ç’të bën gruaja s’ta bën as perëndia (domethënë e përshtatëm ne këtë shprehje popullore kështu që na i kurseni kritikat)…