Deri tani Luiz Ejlli ka dy duete muzikorë, njërin me Juliana Pashën me të cilin fitoi vendin e parë në Kënga Magjike ( me këngën “ Sa e shite zemrën”) dhe një tjetër me Rezarta Smajën ( Ra një yll),  ku jo vetëm nuk mori çmim por prezantuesi i athershëm i festivalit, Adi Krasta nuk denjoi ti përmendte as emrin Luizit, ndonëse vite më parë ai ishte shpallur fituesi i edicionit të dytë të “Etheve të së premtes mbrëma”…

Me futjen e tij në Big Brother duket se karriera e Ejllit po merr një tjetër kthesë. Kanë qenë të shumtë artistët që i kanë shprehur atij mbështjetjen e që me siguri tani do donin që ta kishin një bashkëpunim me të, dhe kjo jo vetëm për faktin që Luizi është tashmë personazhi Vip më i përfolur i momentit por edhe sepse ai është vërtet i talentuar.

Dhe ja tani futemi ne në lojë dhe bëjme hamendësimet tona se me cilët artistë mund të mund t’i shkonte një bashkëpunim Luiz Ejllit:

Elvana Gjata

Ne i shohim shumë. Janë të dy ish-etheistë, të dy shumë simpatikë, me batutë, karizmatikë dhe jemi të bindur që për një bashkëpunim mes tyre do të insistonte shumë edhe Kiara, pasi ylli popit është artistja e saj e preferuar.

Aurela Gaçe

Luizi është shprehur që Gaçe është një nga artistet e tij të preferuara. E ku ka më mirë se t’i bashkojë forcat një shkodran dhe një vlonjate (jashtë bigut kuptohet se brenda tij jemi të bindur që Lui si sheh dot me sy vlonjatët. Dhe për këtë e ka fajin Qetsori)…

Alban Skënderaj

Super artistë të dy. Me çmime të para, (që shkojnë shumë dhe nga ana vizuale) por mbi të gjitha janë pak edhe të ngjashëm me artin që bëjnë. Albani ka qenë një nga njerëzit që e ka treguar hapur mbështetjen e tij ndaj Luizit gjatë kësaj periudhe të Big Brother.

Flor Mumajesi

Muzika e Florit është “timeless” është e duhura për Luizin, ndaj dhe një baladë dashurie nga ato me prerje damarësh që di të shkruajë vetëm Flori do të ishte perfekte për çunat.

Jonida Maliqi

Shumë interesant do të ishte edhe një duet mes Luizit dhe Jonida Maliqit. Mendoni pak sikur të dy këngëtarët të bashkonin forcat dhe t’i rishihnim përsëri në Eurovision.

Mc Kresha

Nëse Luiz Ejlli do të donte të guxonte në muzikë me të vetmin reper (aspak çapaçul) që mund ti përshtatej stilit të tij, në këndvështrimin tonë do të ishte, McKresha. Kresha është nga ata reperë që di të sjellë bukur jo vetëm komercializmin, por me tekstet e tij përcjellë siç duhet edhe art të vërtetë.

Yll Limani

Luiz Ejlli mund të shkonte në perfeksion edhe me Yll Limanin. Një zë potentë si i Luizit me një zë melodioz si të Yllit, do të prodhonin një super hit.

P.S Këto ishin sugjerimet tona për Luin, ju keni të drejtë të jepni tuajat por pa përmendur këtu emrin e Butrintit… të cilin Luizi se njeh fare…