Prej ditësh tashmë po përflitet për prezantuesen e Big Brother VIP Albania 3. Ndonse fillimisht pati aludime se Arbana Osmani nuk do të ishte më në Top Channel, ashtu siç tashmë ka filluar të ketë çdo vit para nisjes të BB VIP.

Në anën tjetër një deklaratë e Borës e cila kërkonte mendimin e publikut për ta prezantuar ajo BB VIP, ngatërroi rrjetin. Ndërsa mbrëmë u fol edhe emri i Ledion Liços si prezantues.

Nisur nga gjithë aludimet, Kryefjala.com ka realizuar një sondazh në faqen e Instagramit për të kuptuar se kë do realisht publiku.

Mes Borës dhe Arbanës, kush duhet ta moderojë Big Brother VIP 3?- ka qenë sondazhi, ku lexuesit kanë votuar bindshëm për Arbanën me 77% deri në këtë moment dhe vetëm 23% për Borën.

Kjo tregon se të preferuarën e tyre publiku ka zgjedhur Arbanën, me të cilën është mësuar tashmë në gjithë këto vite në drejtimin e Big Brother.