“The Woman In Me” titullohet libri me kujtime i yllit të pop-it Britney Spears ku thuhet se do të përmbajë e shumë “sekrete” nga jeta e artistes së famshme.

Sipas “Dailymail”, Justin Timberlake thuhet se është ‘shqetësuar’ për atë që do të zbulojë ky libër.Krijuesi i hitit “SexyBack”, i cili ishte në lidhje me Spears, 42 nga viti 1999-2002, thuhet se është ‘shumë kurioz’ për librin, i cili do të publikohet më 24 tetor.

Ata u ndanë në vitin 2002 dhe shpejt dolën thashetheme se ajo e kishte tradhtuar atë. Albumet dhe këngët që pasuan karrierën e Justin u përfolën si dedikime për Spears, e cila i theu zemrën.

Në vitin 2002 ai publikoi këngën “Cry Me A River” dhe modelja e klipit kishte një pamje të ngjashme me atë të Britney Spears.