Nëse menduat se kjo verë do ti dedikohej këngëve,u gabuam edhe ne bashkë me ju.
Stina e nxehtë e verës solli vërtet shumë këngë dhe bashkëpunime interesante por asnjëra nuk ndezi atë fitilin e rrjeteve sociale për të bërë xhiro nga një telefon në tjetrin.

Ajo që ndezi ishte debati i fejesës më të famshme në Shqipëri..se dini për kë po flasim?
Fejesa e djalit të Mihrije Brahës!
Rikapitullojmë..
Mihrija fejoi djalin dhe në fejesë mungoi Remzie Osmani dhe kjo sepse nuk kishte marrë ftesë edhe pse Remzia e kishte ftuar në dasmën e djalit të saj.
Gjithsesi ajo ende pret ta ftojë në dasëm.
Por nuk mbaron këtu..
Mihrija na doli me deklaratën se Remzia nuk e kishte ftuar në fejesën e djalit ndaj as ajo nuk e ftoi,por ftesën do t’ja dërgojë për dasmën,njësoj siç bëri Remzia.

Kaq u desh dhe interneti u nda në dy pjesë:Team Remzia dhe Team Mihrija!
Kush fejoi kë?Cila ftoi e para dhe kush nuk ftoi?Pse vetëm për dasma dhe jo për fejesa,Kryefjala.com sot ju shuan çdo pikë dyshimi.

Burime për Kryefjala.com bëjnë me dije se deklarata e Remzie Osmanit për emisionin “Mirage” në Kosovë që transmetohet cdo të premte në televizionin T7 me gazetarin Butrint Pasjaqa erdhi shumë natyrshëm për arsyen e thjeshtë se ato ditë Mihrija kishte fejuar djalin.

Meqënëse në fejesë u panë të pranishme këngëtare si Shkurte Fejza dhe Shyhrete Behluli,duke ditur edhe miqësinë midis Remzies dhe Mihrijes,pyetja ka qënë spontane nga ana e gazetarit pa e ditur sa bujë do të krijonte.
Duket sikur është bërë qëllimisht por jo,intervista doli rastësore dhe është transmetuar për publikun “krudo”

Madje të njëjtat burime na treguan se pasi Remzia e pa intervistën,ishte shumë e kënaqur me materialin.
Rri o Remzie se spo të vjen as ftesa e dasmës kështu!