Ajo është një nga vokalet më të fuqishëm dhe artistet ndërkombëtare që i ka rezistuar kohës. E kemi fjalën për Pink e cila vijon të organizojë koncerte të ndryshme në mbarë botën, e kështu muzika e saj nuk do të ‘vdesë’ kurrë.

Në një intervistë të fundit ‘Los Angeles Times’ një pyetje që i është drejtuar e ka bërë të reflektojë.Mes dhjetëra këngëve të saj, ajo ka zgjedhur ‘më të këqijat’ për të cilat është shprehur se nuk do të donte t’i kishte publikuar kurrë.

“Më e keqja? Dua të them, ka pasur kaq shumë. Ndoshta ‘True Love” sepse është këngë e keqe. I detyrohem bashkëshortit tim një tjetër këngë dashurie. Oh prit, është edhe ‘We’ve Got Scurvy’ Do të doja që të mos e kisha publikuar kurrë. Ishte një gabim i madh”, tha ajo.