Heidi Baci është rikthyer në “Grande Fratello”. Pas takimit me të atin që i ka lënë përshtypje të gjithëve, ish-konkurrentja bukuroshe është rikthyer para derës së kuqe më të ndjekur në Itali. Heidi ka shpjeguar arsyet që e shtynë të largohej nga programi dhe raportin e saj me Massimilianon:

”Nuk më pëlqen sepse ai nuk e kuptoi ‘Jo’ që i thash. Ky individ është një person shumë i hutuar, më herët foli për terror ndaj babait tim, tani ka thënë që e dua. I mungojnë shumë copa. E kuptova sa shumë më manipuloi. Tani kam shumë inat por jo ndaj dikujt por ndaj vetes. Ka vënë vazhdimisht vajzën e tij përballë meje duke më thënë se kam një vajzë dhe po mundohesha ta mbroja. Nëna ime përjetoi keq situata që nuk ishin normale”, tha ajo.

Heidi i kërkoi Varreses mos të fliste më për të dhe babanë e saj dhe se nuk dëshironte që të mbante më kontakt me aktorin.