Kryefjala Logo

Fifi risjell skenën kur i ranë të fikët në BBVA:”Ishte e dhimbshme..”

17 Dhjetor, 2023 | 11:49 am

Fifi foli për herë të parë përjetimet për momentin kur i ka rënë të fikët në “Big Brother VIP”. Më një rrëfim në “S’e Luan Topi”, ajo tregoi se ka përjetuar shumë keq mënyrën se si publiku e trajtoi ngjarjen. Me lot në sy këngëtarja Filloreta Raçi u shpreh se ka qenë shtatzënë gjatë periudhës ku “memet” shpërthyen në rrjete sociale.

“Rënia e të fikëtit që më ndodhi u mor dhe u hiperbolizua, u shkatërrua. E bënë parodi dhe thanë që nuk më ra të fikët kurrë, por bëra vetë. Ishte e dhimbshme, e frikshme. Ishte edhe një periudhë që unë isha shtatzënë, dhe kur e kam parë kam thënë pse ta përdorin sërish. Nga ana tjetër po të thoja që isha shtatzënë, nuk mundesha dhe nuk doja ta tregoja, sepse nuk ngela shtatzënë për njerëzit, për social media.

Unë ngela shtatzënë sepse atë e kishte caktuar Zoti dhe për veten time. Zoti është i madh dhe nuk harron kurrë, nuk më ka lëshuar kurrë deri në greminë. Zoti më ka sprovuar për të më parë sa e fortë që jam dhe unë e di që jam e fortë dhe nuk dorëzohemi kollaj. Madje unë e di që këto lotët e mi sot do të paragjykohen sërish”, tha Fifi.

Ndër të tjera këgëtarja tregoi se gjithçka është gjykuar në bazë të videove të shkurtra që qarkullonin në rrjete sociale.“Është një problem, ata të cilët kanë gjykuar se Fifi ka qenë toksike, mashtruese dhe psikopatë, ata nuk e kanë parë farë Big Brother VIP, por kanë ndjekur vetëm videot e shkurtuara në rrjete sociale”

Të ngjashme