Një ditë më parë Albano Bogdo reagoi në instagram në lidhje me batutën e tij (jo fort të këndshme) ndaj këngëtares, Beatrix Ramosaj. Të gjithë pritën një ndjesë publike por mesa duket Alvano i qëndroi besnik “humorit” të tij.

“Na ka bekuar Zoti me 3 gjëra jashtëzakonisht të vyera si komb; Lirinë e fjalës, Lirinë e mendimit dhe ndërgjegjes dhe Kryqëzimin publik nqs përdor një nga dy të parat,”-shkroi ai.

Për këtë reagim ai mori një përgjigje edhe nga kolegu Elvis Pupa. Ky i fundit ka ndarë një video në Instagram ku shprehet: “Liria e fjalës tregon emancipimin e një kombi. Mënyra si një individ e përdor lirinë e fjalës, tregon shumë për karakterin e atij individi.

Elvis Pupa është një nga komedianët më të njohur shqiptar dhe programi i tij “ Më fal për shprehjen”, të cilin e realizoi vite më parë në Digitalb ka qenë një nga programet më të ndjekura dhe cilësore shqiptare.