Elsa Lila duket se është në përpjekje për t’u rikthyer fuqishëm. Ajo ka hapur një llogari në Instagram ku në pak ditë ka më shumë se 11 mijë ndjekës. Ka realizuar së fundmi edhe një set fotosh me Fadil Berishën ku ndër të tjera falenderon ndjekësit e saj dhe premton se së shpejti ajo të vijë në Shqipëri.

Por Kryefjala.com duket se është afër zbulimit të arsyes së kthimit të saj dhe kjo sipas burimeve jozyrtare të cilët na bëjnë me dije se, këngëtarja mund të jetë pjesë e Festivalit të RTSH-së. Elsa nuk e ka fshehur kurrë në publik simpatinë dhe përkrahjen ndaj Partisë Socialiste dhe Edi Ramës dhe duket do të rikthehet aty ku nisi karriera e saj.

Ndoshta drejtori i Televizionit Shqiptar Kel Joti nga ky post po i sherben PS-së dhe me taksat tona rehabiliton si imazh një artiste që i duhet kësaj force politike.
Kujtojmë që Elsa Lila u arrestua muaj më parë në Itali me akuza si pjesë e një grupi që merrej me trafik lëndësh narkotike.
Megjithatë Elsa nuk ka shumë nevojë për “pastrim imazhi” sepse ajo do të ishte një vlerë e shtuar për festivalin pasi është fituese e dy çmimeve të para të tij. Aq më shumë që publiku e mban mend ende si “Elsa e vogël” me zë të fuqishëm.