Elhaida Danin do ta kemi më të pranishme në Shqipëri sepse së shpejti ajo do të jetë pjesë e “Dancing With the Stars”. Mirëpo si të gjithë ne që për fundjavë ruajmë ndonjë foto interesante edhe këngëtarja ka menduar të njëjtën gjë për të postuar në hapësirat e saj sociale. Mirëpo kjo foto mesa duket si ka pëlqyer ndjekësve të saj të cilët kanë nisur me “akuza” e “këshilla” kundrejt saj.

Kaq ka mjaftuar që Elhaida të reagojë e t’u përgjigjet ndjekësve të saj:

“Unë thjesht hodha në trup një veshje që e kam blerë dhe doja ta vishja para se të ikte vera… kujt ja mori mendja gjithë këto gjykime…. Unë njeri jam , do ndodhi që të marr ca kile e do ndodhi që t’i humbas. Derisa të kem shëndetin kilet le të shkojnë e të vijnë…Të dielë të mbarë”, shkruan këngëtarja e njohur në reagimin e saj.