Tendencën që vajzat të dilnin pa make-up në ekrane apo në intervista të ndryshme televizive e futi për herë të parë si koncept, Alicia Keys e cila qëndroi përgjatë gjithë puntatave të programit “The Voice” e pagrimuar.

Por sot përpara se të grimohet për fotosesionin e radhës një nga modelet më të përfolura të momentit, Oriola Marashi ka zgjedhur të postojë një foto pa grim dhe filtra në profilin e saj në Instagram dhe ç’është e vërteta duket shumë mirë.

Oriola po e zhvillon më së shumti karrierën jashtë Shqipërie dhe e kemi parë kryesisht vitet e fundit të sfilojë për “Guess”. Kurse përsa i përket intervistave në Shqipëri nuk kemi ende asnjë nga ajo. Edhe planet për muzikë duket se mbetën e shkuar e harruar, pasi dritën e publikimit se pa asnjë këngë e saj, ndonëse ishte për shumë vite pjesë e labelit të reperit, Noizy.