Ajo ishte një nga personazhet më të komentuar dhe të dashur të Big Brother VIP. E kemi fjalën për bionden më sensuale, Beniadën. Gjatë reality show-t Beniada u komentua edhe për miqësinë e saj me Einxhel Shkirën, që siç e raportuam nuk është më siç ishte brenda shtëpisë së Big Brother.

Por sot Beniada ka realizuar një pyetësor në Instagramin e saj, ku  një nga pyetjet që i kanë drejtuar fansat kanë qenë në lidhje me miqësinë e prishur të të dy vajzave. Si një diplomate e lindur Benny është shprehur se mes tyre nuk ka asnjë hatërmbetje, por koha fizike nuk ka qenë aleatja e tyre  më e mirë këtë periudhë kur modelja ka nisur jetesën në Tiranë.
Kujtojmë që Beniada është tashmë pjesë e programit “Proçesi Sportiv” në Top Channel, ndërsa më poshtë gjeni videon ku Beniada qartëson çdo pikëpyetje.