15 vite karrierë, 15 vite muzikë dhe ndoshta më pak se 15 vite që Dafina Zeqiri prodhon lajm në mediat shqiptare.

Talenti i saj u zbulua qysh në fëmijëri, pasi në moshën 10-vjeçare, ajo mori pjesë në një festival për fëmijë në Suedi me një këngë në anglisht, të cilën e kishte shkruajtur vetë.

Në Shqipëri u shfaq për herë të parë në vitin 2007 në Top Fest 4 me këngën “Një Ditë Tek Ti”, në bashkëpunim me Gold Ag, për të vijuar më pas në 2008 në Kënga Magjike me këngën “Bateritë” ku fitoi edhe çmimin Magjia e parë dhe për të mos u ndalur deri ditën e sotme, ku numëron shumë hite, bashkëpunime dhe së fundmi ka realizuar edhe albumin “Dafinë moj”.

E komentuar ka qenë Dafina edhe për jetën e saj personale ku është përfolur për lidhjen me Krenar Çocaj (partneri aktual i Luana Vjollcës), Ledri Vulën dhe aktualisht është në një lidhje dashurie me dj Geek.

Në një nga koncertet e saj në Zvicër Dafina është surprizuar me anë të një torte dhe ka festuar me fansat këtë përvjetor të rëndësishëm të karrierës së saj.