Shenjat më të paedukata të horoskopit

9 muaj më parë

Binjakët

Konsiderohen si shenja më e komunikueshme e horoskopit dhe dinë mjaft mirë si të hapin e të mbyllin çdo lloj bisede. Mirëpo kjo cilësi u jep njëfarë sigurie të tillë që ndonjëherë, reagojnë në mënyrë agresive dhe ofenduese ndaj të tjerëve. Shpesh, Binjakët mundohen t’i manipulojnë të tjerët, ose ta nxjerrin veten të pafajshëm duke u hequr si viktima në situata të ndryshme. Ndoshta ka ardhur momenti të kuptojnë se çdo marrëdhënie ka debate, por kjo nuk do të thotë se duhet t’i ofendojmë të tjerët.

Gaforrja

Gaforret hasin vështirësi në bisedat me të tjerët, sidomos kur argumentat nuk u pëlqejnë. Janë persona që nuk u pëlqen realiteti dhe që mundohen, në çdo lloj mënyre, t’i shmangen diskutimeve që sjellin me vete kritika. Mbajnë shumë mllef brenda për të tjerët, aq sa sapo u preken interesat e tyre, shpërthejnë. Fillojnë dhe i ofendojnë personat që u mbajnë inate. Kjo gjë sigurisht i dëmton marrëdhëniet që ndërtojnë me të tjerët.

Dashi

Kush ka mik një person të shenjës së Dashit, e di shumë mirë se atyre u pëlqen shumë të debatojnë. Duan të jenë në qendër të vëmendjes, ndaj për ta arritur, nuk rezervohen as të debatojnë me miqtë më të ngushtë. Kur ndihen të frustruar, kapen me këdo që i rrethon, shpesh duke kaluar edhe në ofendime. Një Dash duhet të mundohet të jetë më tepër autokritik, në vend që të kapet me të tjerët. Pak pjekuri në marrëdhënie me të tjerët nuk i bën dëm askujt, dhe ndoshta ky është momenti kur duhet të mundohen të flasin me të tjerët në të njëjtën mënyrë siç presin që të tjerët të flasin me ta.

Të ngjashme