Që nga fillimi i marrëdhënies së Elvisit dhe Priscilës, të dy ishin të mbuluar nga polemika.

Të dy u takuan për herë të parë në vitin 1959 ndërsa ishin në një festë në Gjermaninë Perëndimore gjatë viteve të Elvisit në ushtri.
Në atë kohë, Priscilla ishte 14 vjeç dhe Elvis 24.
“Kur u takuam, unë isha një 14-vjeçare. Ai ishte 24,” tha ajo.
Sipas Priscilës, kur mori vesh se ajo ishte në klasën e nëntë, ai u përgjigj: “Por, ti je thjesht një fëmijë”.

Elvis Presley dëshironte që Priscilla të dukej perfekte në çdo kohë dhe nuk pranoi ta shihte pa grim.
Gjatë një paraqitjeje në nëntor 2016 në ‘Loose Woman’ të ITV-së, Priscilla pranoi se Elvis refuzoi ta shihte pa grim apo edhe të dukej paksa e çrregullt.
“Unë gjithmonë kam pasur pak grim. Ai kurrë nuk donte të më shihte duke u veshur, ai donte të shihte rezultatin përfundimtar.”

Pas divorcit të tyre, Priscilla kuptoi se Elvis ishte përpjekur ta transformonte atë në gruan e tij ideale.
“Diçka në edukimin e tij e kishte mësuar se vajza ‘e duhur’ duhej të shpëtohej për martesë. Unë isha ajo vajzë,” shkroi ajo .

Ajo pohoi se Elvisi do të përpiqej të “më formonte në gruan e tij të përsosur” dhe ajo do të vishte “rrobat, frizurat dhe grimin e zgjedhur prej tij “.

Në librin e saj të kujtimeve të vitit 1985, “Elvis and Me”, Priscilla zbuloi marrëdhënien e palëkundur të Elvisit me nënën e tij, Gladys, e cila vdiq në 1958.
“Do të mësoja se nëna e Elvisit, Gladys, ishte dashuria e jetës së tij”.

Sipas Express, biografia Alma Nash theksoi se vdekja e nënës së Elvisit përkoi me takimin e tij me Priscilla-n, gjë që mund të kishte çuar në obsesionin e tij për ta kthyer atë në Gladys.
“Elvis ishte gjithmonë në kërkim të asaj vajze të re që ai mund ta formonte në imazhin e Gladys,” tha Nash.

“Në një farë mënyre, ai i vishte vajzat e reja që t’i ngjanin asaj”, vazhdoi ajo. “Ai zgjodhi rrobat e tyre dhe Priscilla ishte perfekte.”