Nëse nuk doni të shpenzoni para duke trajnuar qenin tuaj të preferuar, apo që ta bëni atë të jetë më i shoqërueshëm e gjëra të ngjashme, ju këshillojmë të zgjidhni një nga këto rracat.

Nëse jeni familje me fëmijë të vegjël, opsion i mirë janë: Golden Retriever, Saint Bernard, Irish Setter, German Shpherd, Labrador ose Newfoundland.

Këta qenë kanë karakter të qetë dhe nuk reagojnë ashpër nëse fëmija gjatë lojës i tërheq veshin apo bishtin. Një nga qentë që ka reagim të kundërt është Chihuahua që bëhet shumë agresive kur i prishet terezia.

Ndërsa qen shumë të përshtatshëm në madhësi mesatare për familjen, janë: Pug, Bull Terrier, Boxer, Beagle dhe Dalmatian.

Dhe për ta mbyllur, sugjerimet e rracave të qenve të vegjël në trup përfshijnë: Poodle, Maltese, Corgi, French Bulldog dhe Cavalier King.

Bëni shumë kujdes me fëmijët dhe mësojini t’i duan kafshët dhe t’i trajtojnë me respekt.