Si një institucion financiar me fokus drejt një #FinanceNjerëzore, po ashtu pjesë e Rrjetit European të Mikrofinancës, NOA ka kënaqësinë ti bashkohet fushatës së EMD 2023 me tematikë “Një hap drejt përfshirjes financiare”. Ky është edicioni i 9-të, i fushatës që i dedikohet Ditës Evropiane të Mikrofinancës, e cila është një iniciativë e nisur në vitin 2015 nga EMN si një mjet për të vënë theksin mbi impaktin e sektorit mikrofinanciar në Evropë e parë nga perspektiva sociale dhe ekonomike.

Në veçanti, edicioni i këtij viti do të fokusohet në identifikimin e sfidave dhe nevojave të NVM-ve (Ndërmarrjeve të Vogla dhe të Mesme) dhe familjeve me më pak akses në financa. Në këtë drejtim, NOA është bërë pjesë e kësaj fushate që synon të adresojë problematikat e këtij target grupi në lidhje me përfshirjen financiare.

Tabela e fundit e rezultateve të indikatorëve të konsumatorit e publikuar nga Komisioni Evropian në Mars 2023 tregoi se në vitin 2022, 37% e konsumatorëve evropianë kanë prekur kursimet e tyre për të përballuar këtë situatë sfiduese. Sektori i mikrofinancës në Evropë është mjaft heterogjen dhe për t’u siguruar që të gjithë zërat të dëgjohen, EMN ka ftuar anëtarët e saj të tregojnë se si e trajtojnë situatën ekonomike në varësi të klientëve dhe tregut të synuar: gratë, të rinjtë, sipërmarrësit, emigrantët, etj.

Na ndiqni për aktivitetet e kësaj fushate si dhe vizitoni faqen e dedikuar për Ditën Evropiane të Mikrofinancës në website-n e EMN (hthttps://lnkd.in/gwVMHd4) për të mësuar më shumë rreth kësaj fushate!​