Në një artikull në The Elephant Journal, psikoterapistja Gerti Schoen flet se si ajo nuk mund të durojë kur burri i saj përpiqet t’i thotë asaj se çfarë të bëjë dhe se si ajo e kupton se problemi pas reagimit të saj irracional është projeksioni.

Projeksioni ose zhvendosja e fajit është një mekanizëm mbrojtës ku individët vendosin mendimet, ndjenjat dhe veprimet e tyre të papranueshme mbi të tjerët. Për shembull, një person i përqendruar tek vetja mund të akuzojë vazhdimisht njerëzit e tjerë se janë egoistë dhe të pamenduar.

Schoen shpjegon, “Ajo që gabimisht i projektova burrit tim në këto momente ishte se ai mbante të gjithë fuqinë në marrëdhënie. Pesë vjeçari në mua që nuk kishte shumë kontroll duke u rritur, u rishfaq papritur, i tmerruar se ajo nuk do të kishte asnjë kontribut. Për të shmangur frikën dhe humbjen e kontrollit, vendosa një mur .”
Unë sigurisht mund ta kuptoj dëshirën për të ngritur një mur dhe për t’u fshehur larg mendimeve dhe sjelljeve të mia të dhimbshme. Kam disa pasiguri nga burime të ndryshme dhe e di që nuk jam marrë me to. Është e qartë se ka shkaktarë që sjellin ato emocione të vjetra të dhimbshme.

Ndonjëherë kur projektojmë mendimet tona negative te dikush, ne krijojmë skenarë të tërë për atë që po ndodh në të tashmen që ka ndodhur në të kaluarën.

Brené Brown ka një metodë që ajo e quan “The Story I’m Making Up”, e cila, siç tha ajo për Tech Inside, ka të bëjë me t’i tregosh personit tjetër se lexon situatën dhe në të njëjtën kohë të pranosh se e di se nuk mund të jetë 100% e saktë.
Kur i dashuri im përpiqet të më ndihmojë dhe unë irritohem dukshëm, duhet të jem e sinqertë me veten për atë që po ndodh vërtet me mua. E di që nuk jam e pafuqishme apo e dobët dhe se edhe i dashuri im e di këtë. Këto ndjenja nuk janë e vërteta, por një projeksion.