Në Tiranë, kohët e fundit vihet re një trend i klinikave me fokus në estetikën mjekësore…pasi sigurisht ekziston një trend, kryesisht nga pjesa femërore por jo vetëm, për të kuruar defektet ne lidhje me bukurinë, rimodelimin e trupit apo korrigjime të shenjave të cilat më parë mund të kishin një kosto të lartë dhe pak specialiste në botë për t’i ndryshuar.

Doktoreshë Sara Zavalani, edhe pse e re në profesionin e mjekësisë, e mbështetur nga një mbiemër i rëndësishëm, vajzë e Dr. Ferit Zavalanit, një prej emrave më të rëndësishëm në pediatrinë Shqiptare, ka sjellë në jetë idenë e një klinike multidisiplinare, e cila brenda ka një gamë të gjerë shërbimesh që ndërthur ndjesinë e bukurisë fizike në një trup të shëndetshëm.

Për shkak të specializimit të saj në Endokrinologji, ajo e njeh mirë këtë fushë dhe jo vetëm ka bashkuar në ekipin e saj mjekë të njohur në fushën e estetikës, por edhe teknologjinë më të fundit e ka vënë në dispozicion për një shërbim të kompletuar dhe avangardë.

Binomi i Dr. Sarës me Aura, si simbol i bukurisë, është një ndër realitetet më të bukura sot. E pozicionuar tek Garden Residence Turdiu, klinika Aura shtrihet në mbi 450 m2 ku çdo sallë ka një funksion të caktuar dhe një mikëpritje të ngrohtë nga një staf i përzgjedhur me shumë përkujdesje nga Dr. Sara.

Rimodelimi i trupit, shërbimet e shëndetit me të gjitha specialitetet mjekësore, laboratori i analizave, shërbimet estetike me trajtimet manuale, ato miniinvazive dhe pajisjet lazer më të fundit janë disa nga shërbimet që mund të gjenden tek klinika Aura.

Çdo proces bëhet nëpërmjet protokolleve strikte mjekësore dhe asgjë nuk i lihet rastësisë.

Kur një sipërmarrje lind nga pasioni për fushën e mjekësisë nga një profesioniste në këtë fushë, me një prejardhje mjekësh dhe një vizion perëndimor, ajo mbështetet në cilësi , siguri dhe saktësi. Klinika Aura duhet vizituar pasi këto muaj do të ketë edhe çmime vërtet interesante dhe oferta të cilat janë përshtatur duke menduar në ndihmë të pacientit. Pasioni e ka bërë klinikën Aura të jetë një faktor i rëndësishëm në fushën e mjekësisë dhe estetikës, edhe pse është ende në hapat e saj të parë.

Transplanti i flokëve, Beauty Salon dhe ndërhyrjet e ndryshme mikrokirurgjikale janë në proces kolaudimi dhe gati për t’u ofruar tek Aura Clinic, menjëherë pasi doktoreshë Sara të jetë e bindur plotësisht që i ofron kushtet në detajin më të parëndësishëm, pasi për të detajet janë ato që përbëjnë ndryshimin dhe do ta dallojnë klinikën mjekësore nga shumë sipërmarrje të tjera.

Një mjeke vizionare e gatshme të japë çdo energji të sajën, vetëm që pacienti në Tiranë të ketë shërbim 100% elitar dhe të mos ketë nevojë të kërkojë jashtë vendit. Aura është aty për këdo që kërkon një konsultë me ekspertë, një ambient të ngrohtë dhe të mirë-investuar. Për më tepër vizitoni rrjetet e saj sociale ose vihuni në kontakt me stafin e saj.