Ajo është Kalli.

Ajo jeton në SHBA, është e divorcuar, ka një djalë. Është viti 2011.

Ish-burri i saj Mohamed është pranë shtratit të nënës së tij që po vdes në Egjipt.

Ai e thërret atë.

Të lutemi sille djalin tonë, më lejo t’i them lamtumirë atij.

Kalli i kërkon të motrës që t’i shoqërojë.

Ato zbarkojnë në Kajro.

Mohamedi i pret në aeroport, përqafon sërish djalin e tij dhe i fut të gjithë në makinë.

Makina pëson difekt,ai thotë se do ta shikojë,makina nuk ndizet.

Ai ka nevojë për ndihmë.

Kalli dhe motra e saj zbresin për ta ndihmuar. Por shumë shpejt ai hidhet në makinë dhe niset me shpejtësi të plotë.

Kalli vrapon pas tij.

Niko përplas grushtat pas xhamit dhe bërtet emrin e nënës së tij. Qan.

Kalli vrapon derisa të ketë frymë në trup.

Ajo rrëzohet në tokë. Makina është zhdukur. Ajo dhe motra e saj janë në një rrugë të shkretë.

Ata po kërkojnë ndihmë.

Kalli flet me autoritetet. Më kanë rrëmbyer djalin!Por,askush nuk e dëgjon atë. Ajo detyrohet të kthehet në Shtetet e Bashkuara.

Provoi rrugën diplomatike. Asgjë.

Kalli godet burokracinë. Ajo dëshpërohet. Punësoi një agjenci detektivësh.

Ajo shkon e kthehet në Egjipt. Ajo e kërkon atë. Nuk e gjen.

Ajo nuk dorëzohet.

Ajo paketon valixhet dhe shkon në Kajro.

Kalon më shumë se një vit.

Kalli ka mbetur pa para.

Ajo është e dëshpëruar, por nuk ka asgjë për të humbur.

Ajo vesh perçen dhe mbështetet në një udhërrëfyes lokal.

Duhet kohë, por ajo e gjen.

Këtu është ai, Niko i saj.

Kalli e ndjek në distancë,nga larg,e fshehur nën një vello.

Instinkti thotë të vrapojë drejt tij,ta përqafojë dhe mbaje në gjoks.

Por ajo përmbahet. Nëse bën lëvizjen e gabuar, rrezikon ta humbasë atë.

Është mëngjes marsi. Kanë kaluar gati dy vjet. Niko zbret nga autobusi që e çon në shkollë. Mësuesit dhe sigurimi ruajnë oborrin. Kalli afrohet më shumë me djalin e saj. Zemra e saj rreh shpejt. Ai e shikon atë. Ai kthehet, shikon në sytë e saj. Ajo e ndjen, ajo e di që ai e njohu atë. Ajo i pëshpërit. Unë jam nëna jote, më ndiq.

Kalli ecën, ai shkon pas saj. Ata strehohen në një vend të sigurt.

Ajo e vesh atë si një vajzë. Dy javë më vonë janë bashkë në një fluturim për në Shtetet e Bashkuara.