Mund edhe t’ju ketë ndodhur  duke parë një të huaj misterioz, magnetik nëpër dhomë, ndiheni të tërhequr në mënyrë të papërmbajtshme nga ai person.

Ju madje mund të detyroheni të filloni një bisedë që zgjat gjithë natën.

Deri në mëngjes, jeni të sigurt që keni gjetur shpirtin tuaj binjak. Ose, ndoshta nuk arrini ta shfrytëzoni momentin dhe i huaji juaj misterioz zhduket në turmë, i humbur përgjithmonë për ju.

Megjithatë, ju nuk mund ta hiqni nga mendja këtë person, emrin e të cilit nuk e dini. Është e qartë se “të biesh në dashuri me shikim të parë” nuk është edhe aq e pazakontë. Por çfarë po ndodh konkretisht?

•Disa dinamika mund të jenë si “dashuri me shikim të parë”

1. Tërheqja që vepron si një katalizator i fuqishëm

Një tërheqje është një nga blloqet më themelore të ndërtimit të dashurisë.

Edhe pse disa njerëz zhvillojnë tërheqjen më vonë, pasi kanë qenë miq për disa kohë, shumica e marrëdhënieve romantike fillojnë me tërheqje. Është ajo që ju tërheq të njihni dikë të ri dhe ajo që nxit ditët e hershme pasionante të një marrëdhënieje.

2. Njohje që krijohet edhe përpara një takimi personal

Në shumë raste, fjalët “në shikim të parë” janë paksa të gabuara. Njerëzit pretendojnë se bien në dashuri me shikim të parë me njerëz që në fakt tashmë i njohin rastësisht.

Ndoshta e keni parë personin disa herë në një lokal që frekuentoni, ose ai është mik i një shoku. Edhe nëse me të vërtetë nuk e keni parë kurrë personin më parë, nuk ka gjasa të bini në dashuri në momentin e shikimit të parë. Ka më shumë gjasa që ju ta përdorni atë term në retrospektivë pas një bisede të parë të suksesshme.

3.Përkufizime të ndryshme të dashurisë

Në varësi të semantikës, mund të argumentoni se themelet e asaj që do të bëhet dashuri mund të zhvillohen me shikim të parë, ose mund të thoni se për shkak se dashuria kërkon kohë, ajo nuk mund të ndodhë.

Nuk mund ta mohojmë atë që disa njerëz thonë se përjetojnë. Është plotësisht e mundur që sistemet e tyre të shpërblimit dhe shtytjes mund të aktivizohen menjëherë, duke i orientuar ata drejt një personi sapo ta shohin.