Nga Prof.KristoMuzaka

Pas vendeve si Bullgaria, Italia, Greqia, Estonia,Polonia, Ukraina, edhe  Maqedonia  e  Veriut ka zbuluar e kapur në flagrancë veprimet e dështuara të sherbimeve sekrete ruse.   Për antonomazishërbimet sekrete kryejnë aktivitetin e tyre në fshehtësi të plotë  ndërkohë ky është rasti i radhës në Ballkan i kapjes në flagrancë tëdiplomatëve rus.  Veprime të tilla pas vendit “mik” tëRusisë siçështë Bullgaria, nuk u ka shpëtuar as  Maqedonia e Veriut. Konfirmohet përsëri se Kremlini nuk kursen askënd dhe vazhdon  me metodat e veta të spiunimit e diversionit, si të vetmet rrugëpër të krijuar kaos nëpër  botë.

Autoritetet maqedonase bënë të ditur se kanë shpallur një diplomat rus person të padëshiruar.   Zyrtari  i larte  rus mban  një  post  të rëndësishëm  në  ambasadën  ruse  ne  Shkup  dhe  se  ai është  kapur  duke kryer  veprime  antiligjore  dhe  qënuk  përputhen  me  legjislacionin  ndërkombëtar  dhe  në  shkelje  flagrante  tëlegjislacionit  tëvendit  ku  ushtron  funksionin  e  diplomatit.

Ministria e Punëve të Jashtme në Shkup thotë se ka thirrur para katër ditësh ambasadorin e Federatës ruse, Sergej Bazdnikin për ta njoftuar me vendimin. Diplomati rus, emri i të cilit nuk është bërë i ditur, duhet të largohet nga Maqedonia e Veriut brenda një afati prej shtatë ditësh.

Ministria e Jashtme nuk ka njoftuar publikisht arsyet për dëbimin, teksa njofton se mbështetet tek Konventa e Vjenës,  norma  te  cilat  Rusia  i  njeh  dhe  duhet  ti  respektojë.

Një pjesë e medias në Shkup thotë se diplomati rus ka ushtruar aktivitete që nuk përputhen me sjelljen e një diplomati të huaj që vepron në vendin pritës. Njoftimin e konfirmoi edhe presidenti maqedonas Stevo Pendarovski duke thënë se ishte informuar për këtë dhe rasti “ishte dokumentuar mirë”.

Ky është rasti i dytë që Maqedonia e Veriut dëbon një diplomat rus. Hera e parë kishte të bënte me solidarizimin me Britaninë e Madhe lidhur me rastin “Skripal” në vitin 2018.

Po ashtu, Shkupi ka shprehur gatishmëri për t’iu bashkuar sanksioneve të ardhshme të Bashkimit Evropian ndaj Rusisë pas konstatimeve të Brukselit se Moska po kryen shkelje të të drejtave të njeriut ndaj drejtuesit opozitar Alexey Navalny  dhe  mijërave mbështetës  te  tij  qe  po  burgosen  padrejtësisht.

Po  çfarë  po  ndodh  me  shërbimet  e  ushtrisë  ruse  në Europë e  Ballkan?  Sa  e  rrezikuar  ështëShqipëria  nga  këto  veprime të  padenja  dhe  kërcënuese  të  komunitetit  tonë?

Dëbimi  i  diplomatit  rus  nga  Maqedonia  është  rasti  i  radhës (janëdëbuarvetëm  gjate  2021  me  shume  se  40  diplomate  rus  neper  Europë)  ku  shërbimet  inteligjente  ruse  kapen  në  flagrance  dhe  u  faktohen  veprimet  antiligjore.   Kjo  sjellje  jo  profesionale  e  diplomateve  rus   ka  krijuar  shume  kaos  në Kremlin.  Lindin  pikëpyetje  se  përse  këto  veprime  aspak  profesionale   dhe  vihet  ne  diskutim  cilësia  e  këtyreshërbimeve  qe  duhet  te  punojnë  ne  fshehtësi  te  plote.

Ekspertet  e  fushës parashikojnë  furtune  dëbimesh  në Kremlin  dhe  zëvendësime  të krerëve  të  shërbimeve  jashtëRusisë  pasi  dështimet  të  tilla  dhe  nëkëto  proporcione  janë  tëpa tolerueshme.