Një 36-vjeçar është ndaluar nga Policia pas një denoncimi se ka ngacmuar seksualisht një 14-vjeçare.

Sipas Panorama, ka qenë vetë adoleshentja e cila ka bërë kallëzimin, se drejtuesi i furgonit që transportonte nxënës shkollë e kishte ngacmuar seksualisht në mënyrë të vazhdueshme për rreth një vit.

Menjëherë pas denoncimit, njoftojnë uniformat blu, është bërë ndalimi i shtetasit me iniciale N.J.

Njoftimi i policisë:

Këlcyrë, Përmet

Ngacmoi seksualisht një 14-vjeçare në furgonin me të cilin transportonte nxënësit, ndalohet 36-vjeçari.

Specialistët për Hetimin e Krimeve në Stacionin e Policisë Këlcyrë pas kallëzimit të bërë nga një 14-vjeçare se drejtuesi i furgonit që transportonte nxënës shkolle, e kishte ngacmuar seksualisht në mënyrë të vazhdueshme përreth 1 viti, menjëherë kanë organizuar punën për kapjen e tij.

Si rezultat i punës, është bërë kapja e shtetasit N. J., 36 vjeç, banues në fshatin Katundisht, Këlcyrë dhe në përfundim të veprimeve të para hetimore është bërë ndalimi i tij për veprën penale “Ngacmimi seksual”.

Materialet procedurale i kaluan Prokurorisë për veprime të mëtejshme.