Kryefjala Logo

Nga arratisja me biçikletë tek telefonata në Polici, zbardhen të tjera detaje nga vrasja e 26 vjeçares në Itali

20 Dhjetor, 2023 | 4:50 pm

Të tjera detaje janë zbardhur nga vrasja e 26-vjeçares Vanessa Ballan në Itali nga shqiptari Bujar Fandaj.

41 vjeçari nga Kosova pasi ka kryer krimin makabër fillimisht ka publikuar një postim në Instagram që tregonte se po shkonte në Slloveni. Më pas ka telefonuar në 112, duke u kujdesur të heqë kartën nga celulari për të mos e gjurmuar.

Unë e vrava atë grua, nesër do të dorëzohem në komisariat”, tha ai para se ta mbyllte telefonin.
Gjatë arratisë pasi kishte vrarë Vanessën, ai bëri një ndalesë të shkurtër në lokal, ndërsa dikush raportoi se e kishte parë.

Gjithashtu ekziston edhe një video ku autori shihet afër shtëpisë së viktimës me biçikletë dhe me një çantë mbi supe. Brenda çantës ka çekiçin që do të përdoret për të thyer një dritare dhe dy thika, njëra prej të cilave e përdori për të goditur Vanessën.

Të ngjashme