Një zjarr i madh ka rënë pak pas mesnatës në monumentin e kulturës në “Sarajet e Toptanëve”.

Vila e Toptanëve është përfshirë e gjitha nga flakët. Ende nuk dihet shkaku i kësaj zjarrëvënie, por sipas qytetarëve ka qënë e qëllimshme. Kanë qenë disa klientë në një lokal që kanë parë një person që ikte me vrap, pasi kishte rënë zjarri tek “Sarajet”.

Pas disa orësh zjarrfikësit kanë bërë të mundur që t’i shuajnë flakët, ndërsa policia po punon për zbardhjen e plotë të ngjarjes.

Shtëpia e Toptanëve ose “Sarajet” e Toptanëve, u ndërtua rreth viteve 1833-1840 nga një prej familjeve më të mëdha e autoktone të Tiranës, ajo e Toptanëve.