Dy persona janë plagosur gjatë mëngjesit të sotëm në Fshat të Ri në Shkodër. Të plagosurit janë vëllezër dhe sipas informacioneve paraprake janë vëllezër dhe janë konfliktuar me persona të tjerë për motive pronësie.

Personat kanë rrahur me sende të forta 34 vjeçarin, Lad Gruda dhe gjatë kësaj kohe ka ndërhyre vëllai i tij, Ilir Gruda 41 vjeç, ky I fundit pasi tentoi të ndihmojë vëllain është qëlluar me pistoletë nga Xhevahir Fikaj.

Fatmirësisht të dy vëllezrit ndodhen jashtë rreziku për jetën teksa janë trasnportuar me urgjencë për në spital.

Policia Shkodër

Më datë 08.09.2021, rreth orës 09:15 në Fshatin e Ri, Njësia Administrative Rrethinat,  Shkodër, gjatë një konflikti fizik për motive pronësie, është dëmtuar me sende të forta shtetasi  Lad Gruda, 34 vjeç.

Konflikti është përshkallëzuar më tej ku shtetasi Xh.F, ka plagosur me armë zjarri pistoletë shtetasin Ilir Gruda, 41 vjeç, vëllain e 34 vjeçarit, të cilët janë transportuar në spital jashtë rrezikut për jetën.

Në vendngjarje kanë mbërritur  menjëherë shërbimet e Policisë dhe vijon krehja e  zonës me qëllim kapjen e autorit. Grupi hetimor nën drejtimin e  Prokurorisë  ndodhet në vendngjarje  dhe vijon puna për  sqarimin e rrethanave dhe zbardhjen e ngjarjes.